जापानका माकोतो ओदाकुरा प्रथम एशियन कप ट्राईयाथलन च्याम्पियनसिपमा स्वर्ण हात पारेका छन्।
उनले निर्धारित ट्राईयाथलनको स्प्रिन्ट विधामा २० किलोमिटर साइक्लिङ, ७५० मिटर स्विमिङ र ५ किलोमिटरको दौड ५४ मिनट ५७ सेकेन्डमा पार गर्दै स्वर्ण हात पारे।
उनी विश्व वरियतामा ६३ औं र एयिशन टेरिटोरीमा दोस्रो स्थानमा रहेका खेलाडी हुन्। दोस्रो स्थानमा रहेका पोल्याण्डका डान मेसिन्तोशले ५४ मिनट ३४ सेकेन्ड र तेश्रो स्थानमा रहेका दक्षिण कोरियाका जि ह्वान किमले ५५ मिनेट ०२ सेकेन्डमा दूरी पुरा गरे ।
पोखरामा आयोजित च्याम्पियनसिपको महिला तर्फ कोरियाकी य जिन पार्कले १ घन्टा २ मिनेट ५६ सेकेन्डमा साथ स्वर्ण हात पारिन्।
जापानकी कोनामी युसियुदाले १ घन्टा ३ मिनेट ५१ सेकेन्डमा साथ रजत र नाओमी ताकामिनेले १ घन्टा ४ मिनट ५५ सेकेन्डका साथ कास्य पाए।
प्रतियोगितामा नेपालसहितजापान, कोरिया, काजाकिस्तान, लिथुनिया, पोल्याण्ड, अष्ट्रेलिया, भारत र बंगलादेशका पुरूषतर्फ १९ र महिलातर्फ ८ खेलाडीले प्रतिस्पर्धा गरेका थिए ।
यस्तै सातौं दक्षिण एशियाली ट्राईयाथलन च्याम्पियनसिप अन्तर्गत नेपालका बशन्त थारुले स्वर्ण हात पारे। उनले १ घन्टा ३ मिनेट ५८ सेकेन्डमा दूरी पुरा गरे।
दोस्रो स्थानमा लोकेश कुमार बाबुजी रहे। उनले १ घन्टा ७ मिनट १३ सेकेन्डमा दूरी पार गरे। तेस्रो स्थानमा रहेका नेपालका नितेश मानन्धरले १ घन्टा ८ मिनेट ३४ सेकेन्डमा दूरी पार गरे।
महिला तर्फ पहिलो र दोस्रो स्थानमा भारतका प्रग्न्या मोहन र मोनिका मुकेशभाई नागपुर रहे। मोहनले १ घन्टा ९ मिनट २३ सेकेन्डमा र नागपुरेले १ घन्टा १२ मिनेट ४७ सेकेन्ड समय निकाले। त्यस्तै तेस्रो स्थानमा आएकी नेपालकी सोनी गुरूङले १ घन्टा १८ मिनेट ४९ सेकेन्डको समय लगाईन्।
नेपालका खेलाडीको मात्र प्रतिस्पर्धा रहेको दुवाथलनमा नेपाली सेनाका हिमाल टमाटाले स्वर्ण हात पारे। उनले ५ कि.मि. दौड, २० किलोमिटर साइक्लिङ, २.५ किलोमिटरको दौड ५७ मिनेट १४.३० सेकेन्डमा पुरा गरे।
यस्तै दोस्रो स्थानमा रहेका नेपाली सेनाकाकै खेलाडीले ५७ मिनेट ३७.४७ सेकेन्ड र तेस्रो स्थानमा रहेका एपिएफका किरण कुमार मल्लले ५७ मिनेट ५८.१७ सेकेन्ड लगाए।
महिला तर्फ एपिएफकी हुमा बुढा मगरले १ घन्टा १० मिनेट ४५.२२ सेकेन्ड, एपिएफकै निर्जता ताम्राकारले १ घन्टा ११ मिनेट ३८.३३ सेकेन्ड र दाङकी अनिषा चौधरीले १ घन्टा २२ मिनेट ०५.०५ सेकेन्डमा साथ क्रमशः पहिलो, दोस्रो र तेस्रो भए।
विजयी खेलाडीहरुलाई गण्डकी प्रदेश मुख्यमन्त्री पृथ्वी सुब्बा गुरूङ्गले पुरस्कार वितरण गरेका थिए ।
