महेन्द्र संस्कृत विश्वविद्यालयका सह-प्राध्यापक जयन्त आचार्य केही वर्षयता विक्रम सम्वत् क्यालेन्डर सुधारको वकालत गरिरहेका छन्। क्यालेन्डर बिग्रँदा नेपालका चाडपर्वको समय बिग्रँदै गएको आचार्यको भनाइ छ।
करिब पन्ध्र सय वर्षदेखि सुधार नभएको विक्रम सम्वतको क्यालेन्डरबाट एउटा महिना नै हटाउनुपर्ने 'लबिङ' आचार्यले गरिरहेका छन्।
हिन्दू धर्मअनुसार चाडपर्व प्रकृतिसँग सामञ्जस्य भएको र तिनलाई मिलाउन क्यालेन्डरबाट एक महिना हटाउनुपर्ने आचार्य बताउँछन्।
