काठमाडौँ । सत्तारुढ दल नेपाल कम्युनिस्ट पार्टी (नेकपा) र चिनियाँ कम्युनिस्ट पार्टी (सिपीसी) बीच ‘सी विचारधारा’ बारेको छलफल र बहस भएपछि मुलुकको राजनीतिक वृत्तमा नयाँ तरंग पैदा भएको छ । त्यो छलफल र बहसले दुई पार्टीभन्दा बाहिर पनि तातो र चर्को बहस सिर्जना गरेको छ ।
फरक यतिमात्रै हो कतिले यसलाई सकारात्मक ढङ्गले चर्चा गरेका छन् भने कतिले चाहिँ संशय र आशंकाको दृष्टिकोणले हेर्दै आपत्ति नै जनाएका छन् । चिनियाँ कम्युनिस्ट पार्टी (सीपीसी)का विदेश विभाग प्रमुख सोङ ताओको उपस्थितिमा नेपालमा भएको ‘सी विचारधारा’माथिको छलफललाई विशेष गरी नेपाली काँग्रेसका नेताहरुले संशय प्रकट गर्दै आपत्ति जनाएका हुन् ।
