आज दुनियाँभरिको कम्युनिस्ट आन्दोलन सन् १९९० आसपासको जस्तो चरम संकटबीच उभिएको छ । कार्ल माक्र्सकालीन पेरिस कम्युनको सफल विद्रोह र ७१ दिनको श्रमिक वर्गीय शासनले पुँजीवादको विकल्पमा प्रगतिशील श्रमिक वर्गको व्यवस्था सम्भव भएको पुष्टि ग-यो । माक्र्स–एंगेल्स नेतृत्वको कम्युनिस्ट आन्दोलनले संगठन र संघर्षको अनेक प्रयत्न गरे पनि राज्यसत्ताप्राप्तिको स्तरमा त्यतिखेर पुग्न सकेन । तथापि, समग्र वैकल्पिक विचारधाराका रूपमा द्वन्द्वात्मक भौतिकवाद अर्थात् माक्र्सवाद स्थापित भने भइछाड्यो ।