१३ औं दक्षिण एसियाली खेलकुद (साग)अन्तर्गत ४२ किलोमिटर म्याराथनमा नेपालका किरणसिंह बोगटीले स्वर्ण जितेका छन्।
शनिबार बिहान सात बजे दशरथ रंगशालाबाट सुरु भएको म्याराथनको निर्धारित दुरी बोगटीले २ घण्टा २१ मिनेट १७ सेकेन्डमा पुरा गरे।
म्याराथनमा नेपालका धावक बैकुण्ठ मानन्धरको नाममा कीर्तिमान रहेको छ। उनले सन् १९८७ को सागमा २ घण्टा १५ मिनेट ०३ सेकेण्डमा ४२ किलोमिटर दुरी पूरा गरेका थिए।
म्याराथनमा नेपालका पुरुषतर्फ ८ जना र महिलातर्फ ७ जना प्रतिस्पर्धी थिए। पुरुषतर्फ बोगटी पहिलो हुँदा होमलाल श्रेष्ठ चौथो भए। यस्तै रजत र कास्य भने भारतका खेलाडीले पाए।
