३ औं दक्षिण एसियाली खेलकुद (साग) अन्तर्गत पुरुष क्रिकेटमा नेपालले आज (शुक्रबार) माल्दिभ्सको सामना गर्दैछ ।
बिहिबार भुटानमाथि १ सय ४१ रनको फराकिलो जित निकालेको नेपाललाई आजको खेल जित्नै पर्ने दबावमा छ। अघिल्ला दुई खेलमा एक जित र एक हार व्यहोरेको नेपाल अंक २ अंकसहित तालिकाको तेस्रो स्थानमा रहेको छ। त्यसैले नेपालले फाइनल सम्भावना कायम राख्न माल्दिभ्सलाई हराउनै पर्ने छ।
कीर्तिपुरस्थित टियु क्रिकेट मैदानमा नेपालले अपरान्ह १ बजेपछि माल्दिभ्ससँग खेल्नेछ।
शुक्रबार नै बंगलादेशको यू-२३ ले भुटानको सामना गर्नेछ। बंगलादेश १ खेलमा २ अंक जोडेर दोस्रो स्थानमा रहेको छ। तीन खेलमा अपराजित श्रीलंका ६ अंक जोडेर शीर्ष स्थानमा रहेको छ।
