काठमाडौँ–नेपाल भ्रमण वर्ष २०२० सुरु हुन धेरै समय बाँकी छैन। सरकार तथा निजी क्षेत्र भ्रमण वर्षलाई सफल बनाउन लागि परेको देखिन्छ। नेपाल भ्रमण वर्ष सफल हुन अहिलेको तुलनामा ३१ प्रतिशतले पर्यटक बढ्नु पर्ने नेपाल पर्यटन बोर्डका सूचना अधिकारी मणिराज लामिछाने बताउँछन् ।
तर अहिलेसम्म जम्मा आठ प्रतिशतले मात्रै पर्यटक आगमनमा वृद्धि भएको छ । सन् २०१८ को अक्टोबरसम्म र अहिले (सन २०१९) को अक्टोबरसम्म पर्यटक आगमनको तुलना गर्ने हो भने जम्मा ८ प्रतिशतले मात्र पर्यटक आगमनमा वृद्धि भएको लामिछानेले बताए ।
