पाँचथर र दाङका विभिन्न स्थानमा भएका आगलागीबाट करिब ५ लाख रुपैयाँ बराबरको धनमाल जलेर नष्ट भएको छ ।
पाँचथरको याङवरक गाउँपालिका-४ थर्पु बजार बस्ने धन बहादुर सिगुको घरमा मंगलबार दिउँसो आगलागी हुँदा करिब २ लाख ५० हजार रुपैयाँ बराबरको धनमाल जलेर नष्ट भएको प्रहरीले जनाएको छ ।
यस्तै दाङको गढवा गाउँपालिका–४ अजगढवा बस्ने राकेश नेपालीको घरमा विद्युत सर्ट भई मंगलबार दिउँसो आगलागी हुँदा करिब २ लाख ५० हजार रुपैयाँ बराबरको धनमाल जलेर नष्ट भएको छ ।
स्थानीय बासिन्दाको सहयोगमा प्रहरीले आगलागी नियन्त्रणमा लिएर थप अनुसन्धान गरिरहेको छ ।
