मकवानपुरमा मोटरसाइकलको ठक्करबाट बुधबार एक जना पैदल यात्रुको मृत्यु भएको छ ।मृत्यु हुनेमा बकैया ७ अधेरी बस्ने वर्ष ५५ का कृष्ण बहादुर लो रहेका छन् ।
बुधबार बिहान धरान–चतरा–हेटौंडा सडक खण्डको हात्तिसुँडेबाट छतिवन आउँदै गरेको प्रदेश ३–०३–००१ प ६२० नम्बरको मोटरसाइकलको ठक्करबाट लोको मृत्यु भएको मकवानपुर प्रहरीले जनाएको छ ।मोटरसाइकलको ठक्करबाट घाइते भएका लोको उपचारको क्रममा चुरेहील अस्पतालमा मृत्यु भएको प्रहरीले जनाएको छ ।
मोटरसाइकल चालक बकैया ३ हात्तिसुडे बस्ने वर्ष २४ का सबिन दर्नाल रहेको प्रहरीले जनाएको छ । मोटरसाइकल चालक दर्नाल पनि घाइते भएकोले हेटौंडा अस्पतालमा उपचार भइरहेको जिल्ला प्रहरी कार्यलय मकवानपुरले जनाएको छ ।
