महरासँग जोडिएकी रोशनी आफ्नै डेरामा मृत् भेटिइन्
माओवादी उपाध्यक्ष तथा तत्कालीन सभामुख कृष्णबहादुर महराविरुद्ध जबरजस्ती करणी मुद्दा हालेकी रोशनी शाही मृत फेला परेकी छन्। भक्तपुरको सूर्यविनायक-२ वृहस्पतिमार्गमा डेरा गरी बस्दै आएकी शाही डेराभित्रै मृत फेला परेकी हुन्। श्रीमान डेरामा नभएका बेला उनले अत्यधिक औषधि सेवन गर्दा मृत्यु भएको हुनसक्ने प्रहरीले अनुमान गरेको छ। डेराबाहिर रहेका श्रीमान फर्किएपछि ढोका खोल्न खोज्दा नखुलेपछि प्रहरी र स्थानीय जनप्रतिनिधिको रोहवरमा ढोका फोडिएको थियो। त्यतिबेलासम्म रोशनीको सास रोकिइसकेको थियो। उनको शरीरमा कुनै चोटपटक नदेखिएको प्रहरीले जनाएको छ।
बिएल संवाददाता - भक्तपुर
