इजरायलले ड्रोन आक्रमण गरी समाचार संस्था अल जजीराका पत्रकार समर अबूदक्कको हत्या गरेको छ। 

उनी अल जजीराको क्यामेराम्यान हुन्। शुक्रबार गाजाको पूर्वी जेरुसेलमको अल–अक्सा मस्जिद नजिक रिर्पोटिङका क्रममा उनीमाथि 
ड्रोन आक्रमण भएको थियो। 

आक्रमणमा परी अल जजीरका पत्रकार वाएल अल दहदौ घाइते भएका छन्। अल जजीराले क्यामेराम्यानलाई घटनास्थलबाट एम्बुलेन्समार्फत उद्दार गर्न खोजिए पनि बाटो बन्द भएका कारण उपचार नपाएर मृत्यु भएको बताउँदै हत्याको जिम्मेवार इजरायलाई मान्दै कारर्बाहीको समेत माग गरेको छ। 

तर इजरायली सेनाले पत्रकारको हत्याबारे अहिलेसम्म कुनै प्रतिक्रिया दिएको छैन। घाइते पत्रकार दहदौकी श्रीमती, छोरा र छोरीका साथै नातीकोसमेत यसै अक्टोबरको हमलामा मृत्यु भएको थियो। 

अल जजीराले जानी–जानी इजरायली सेनाले पत्रकार दहदौको परिवारलाई निशाना बनाएको बताएको छ। गाजाका पत्रकारहरूले गाजामा चलिरहेको युद्धको बाबजुद काम समेत गरिरहनेछन्। 

र, अक्टोबर यता मात्रै इजरायल हमलामा परि ५९ प्यालेस्टिनी पत्रकारको मृत्यु भइसकेको छ।