बलिउडमा चर्चा कमाएका सलमान खान आफ्नो करिअरमा जति अब्बल छन्, त्यतिनै आफ्नो परिवारप्रति पनि वफादार छन्। 

उनी परिवारको लागि सधैं डटिरहे। उनले आफ्नो दुई भाइ अरबाज र सोहेललाई पनि सहयोग गरेका थिए, उनीहरूको करिअर बनाउनका लागि। 

तीनै भाइ मिलेर कयौं फिल्ममा काम गरे, जसमा केही प्रोजेक्ट असफल भयो त कुनै प्रोजेक्टले भने सफलता हात पार्यो। 

त्यही फिल्महरूमध्ये एक हो, ‘प्यार किया तो डरना क्या’। उक्त फिल्म सुपरहिट भएको थियो। जसमा तीनै भाइहरू जोडिएका थिए। खासमा, सोहेलले फिल्मलाई डायरेक्ट गरेका थिए। र, सलमान र अरबाज फिल्मका हिरो थिए। 

उनीहरूसँगै अभिनेता धमेन्द्र पनि देखिएका थिए। भनिन्छ, कि सलमान खानकै सल्लाहमा धमेन्द्रलाई फिल्ममा लिइएको थियो। 

धमेन्द्रलाई सलमानले आफ्नो बुबाजस्तो मान्छन्। रिर्पोटका अनुसार सोहलले अरबाज खानको सट्टामा सन्जय दत्तलाई कास्ट गर्न चाहन्थे तर उनले आफ्नो सोच बदले अनि आफ्नो भाइ अरबाजलाई लिए। 

७.७५ करोडमा बनाइएको त्यो फिल्मले २५.२४ करोड कमाएको थियो। यतिबेला उनीहरूको फिल्म सुपरहिट भएको थियो।