शाहिद कपूरले आफ्ना बुबा पंकज र आमा नीलिमा अजिमको पाइला पछ्याएर बलिउडमा करियर बनाए। 

शाहिदले २००३ मा आफ्नो फिल्मी करियर सुरु गरे, त्यसबेलादेखि उनले धेरै उत्कृष्ट फिल्महरूमा काम गरिसकेका छन्।

उनको पहिलो फिल्म 'इश्क विश्क' थियो। २५० अडिसन दिएपछि pgn] यो फिल्म पाए।

तर, उनी दर्शकको मन जित्न असफल भए। यसपछि, २००४ मा उनका दुई फिल्म 'फिदा' र 'दिल मांगे मोरे' पनि फ्लप भए। 

यसपछि, शाहिदको 'दीवाने हुए पागल', 'वाह लाइफ हो तो ऐसी' र 'शिखर' लाई पनि दर्शकले रूचाएनन्।

एकपछि अर्को फ्लप फिल्मका कारण शाहिद कपूर धेरै निराश थिए। यद्यपि, सूरज बडजात्याले उनीमाथि विश्वास गरे र उनलाई आफ्नो फिल्म 'विवाह' (२००६) प्रस्ताव गरे। 

फिल्ममा शाहिदले एक साधारण केटाको भूमिका निर्वाह गरेका थिए। उक्त फिल्मले उनलाई नयाँ पहिचान दिलायाे। 

आठ दिनको छायांकनपछि शाहिद सूरजकहाँ गए र उनलाई भने कि यदि उनी अझै पनि आफ्नो फिल्ममा अर्को अभिनेतालाई लिन चाहन्छन् भने, उनी त्यसो गर्न सक्छन्। तर सूरजले उनलाई आफ्नो अभिनयमा मात्र ध्यान केन्द्रित गर्न भने।

यो फिल्म ब्लकबस्टर भयो। १९ वर्षअघि रिलिज भएको विवाह एउटा पारिवारिक फिल्म थियो। 

शाहिदले यसमा प्रेम नामक पात्रको भूमिका निर्वाह गरेकी थिए। उनको अपोजिटमा अभिनेत्री अमृता रावले पूनमको भूमिका निर्वाह गरेकी थिइन्। 

दर्शकहरूले यी दुई बीचको केमेस्ट्री मन पराए र यो बक्स अफिसमा ब्लकबस्टर साबित भयो। 

८ करोड रुपैयाँको बजेटमा बनेको यो फिल्मले भारतमा ३१.२० करोड रुपैयाँ कमाएको थियो, जुन यसको बजेटभन्दा चार गुणा बढी थियो। 

यो फिल्मले विश्वभर करिब ५० करोड कमाएको थियो। यो फिल्मले फ्लपको सामना गरिरहेका शाहिदलाई बलिउडमा पहिचान दियो र त्यसपछि उनले कहिल्यै पछाडि फर्केर हेर्नु परेन।