शिजुओकावासी नेपाली समुदायको आयोजनामा नेपाली चलचित्र क्षेत्रका महानायक राजेश हमालको विशेष उपस्थितिमा प्रेरणादायी कार्यक्रम ‘सपना, साधना र सफलता’ आयोजना हुने भएको छ।

फेब्रुअरी १४ (शनिबार) साँझ ६ देखि ९ बजेसम्म सञ्चालन हुने उक्त कार्यक्रम शिजुओकास्थित Miraie Community Hall (421-0035, 12-4) मा सम्पन्न हुने आयोजकले जनाएको छ।

कार्यक्रममा महानायक हमालले आफ्ना जीवनका अनुभव, संघर्ष र सफलताका कथाहरू प्रस्तुत गर्नेछन्। सहभागीहरूले प्रत्यक्ष रूपमा उनीसँग अन्तर्क्रिया गर्ने अवसर समेत पाउनेछन्।

विदेशमा रहेका नेपालीहरूका लागि प्रेरणा र नेपालीपनलाई जोड्ने उद्देश्यसहित आयोजना गरिएको उक्त कार्यक्रममा प्रवेश निःशुल्क रहेको छ।

आयोजकले शिजुओका तथा आसपासका क्षेत्रमा बसोबास गर्ने सम्पूर्ण नेपाली दाजुभाइ तथा दिदीबहिनीहरूलाई परिवार र साथीभाइका साथ उपस्थित भई कार्यक्रम सफल बनाउन अनुरोध गरेका छन्।

थप जानकारीका लागि सुमन (080-6759-2062) र विवेक (080-1765-7605)लाई सम्पर्क गर्न सकिनेछ।