इङलिस प्रिमियर लिगमा चेल्सीले न्यूक्यासल युनाइटेड विरूद्ध संघर्षपूर्ण जित निकालेको छ ।
आइतबार बिहान भएको खेलमा चेल्सीले न्यूक्यासललाई १–० ले हराएको हो ।चेल्सीको जितमा अलोन्सोले एक मात्रै गोल गरे । पहिलो हाफ बराबरी रहेको खेलको ७३ औं मिनेटमा अलोन्सोले गोल गरेका हुन् ।
जितसँगै चेल्सी ९ खेलबाट १७ अंकसहित तेस्रो स्थानमा उक्लेको छ ।
उता, यस सिजनको शुरूदेखि नै कमजोर प्रदर्शन गरिरहेको टोटेनह्याम वाटफोर्डसँग १ – १ को बराबरीमा रोकियो । एक समय हारको नजिक पुगेको अवस्थामा टोटेनह्यामका डेली अलिले अन्तिम समयमा एक गोल गरी स्कोर बराबरीमा ल्याएका थिए ।
यस बराबरीसँगै टोटेनह्यामको ९ खेलबाट १२ अंकका साथ सातौं स्थानमा छ ।
आइतबार नै भएका अन्य खेलमा एभरटनले वेस्टह्याम युनाइटेडलाइ २–०, एस्टनभिल्लाले ब्राइटनलाइ २ – १, लेस्टरले बर्नलीलाइ २ – १ ले पराजित गरेका छन् भने बर्नमाउथ र नर्विचको खेल ० – ० तथा उल्भ्स र साउथह्याम्प्टनबीचको खेल १ – १ को बराबरीमा समाप्त भएको छ ।
