हरेक वर्ष उपत्यकामा फूलको मेला लाग्ने गर्छ । विशेष गरेर दशैंको लगत्तै र तिहारको पूर्वसन्ध्यामा लाग्ने उक्त पुष्प मेलामा विशेष गरी यस सिजनमा फुल्ने गोदावारी, मखमली र सयपत्री फूलको प्रदर्शन, विक्री वितरण र प्रतियोगितात्मक प्रतिस्पर्धा हुने गर्छ । र, रमाइलो कुरा के छ भने सो मेलामा प्रायशः प्रथम हुनेको सूचीमा सम्झना नर्सरीको नाम आइहाल्छ ।
सदाझैं यस पटक पनि आज कात्तिक १ गतेदेखि नै पुष्पमेला शुरु हुँदैछ । जावलाखेलको खेल मैदानमा आयोजना हुने उक्त पुष्पमेलामा यस पटक पनि सम्झना नर्सरी सहभागी हुँदैछ । उत्कृष्टताको पर्याय बनिसकेको र गोदावरी फूल व्यवसायका बेताज बादशाह जस्तै बनिसकेको सम्झना नर्सरीमा आउनुहोस् हामी पनि अक्षरको माध्यमबाट घुमौं, यस व्यवसायमा जीवन खपाएका, सम्झना नर्सरीका जन्मदाता तीर्थबहादुरका अनुभव र अनुभूतिका कुराहरु सुनौं र साथसाथै उहाँबाट गोदावरी फूलका बारेमा केही जानकारी पनि हासिल गर्ने कोशिश गरौं ।
