स्पेनिस क्लब बार्सिलोनाका स्ट्राइकर लिओनल मेसीलाई गोल्डेन शु अवार्ड प्रदान गरिएको छ ।मेसी लगातार तेस्रो सिजन गोल्डेन शु जित्ने पहिलो खेलाडी समेत हुन् ।
बुधबार आयोजित एक बिशेष कार्यक्रममा मेस्सीलाई गोल्डेन शु अवार्ड प्रदान गरिएको हो ।युरोपियन लिगमा यस सिजन सवार्धिक गोलकर्ता बन्दै मेसीले गोल्डेन शु अवार्ड जितेका हुन् । अर्जेन्टिनाका मेस्सीले यस सिजन ३६ गोल गरेर यस अवार्ड आफ्नो बनाएका हुन् ।
यस अवार्ड जित्न मेसीले पेरिस सेन्ट जर्मेनका स्ट्राइकर केलियन एमबाप्पेलाई ३ गोलले पछि बनाए ।
मेसीले यो लगातार तेस्रो पटक गोल्डेन शु अवार्ड जितेका हुन् । यस्तै मेस्सीको यो समग्रमा छैटौं गोल्डेन शु हो । र, मेसी सर्वाधिक गोल्डेन शु जित्ने एक्लो खेलाडी हुन् ।
मेसीभन्दा पछि युभेन्ट्सका स्ट्राइकर क्रिस्टियानो रोनाल्डो रहेका छन् । उनले चार पटक यस अवार्ड उचालेका छन् ।
