पोर्चुगीज स्टार स्ट्राइकर क्रिस्टियानो रोनाल्डोले यस्तो रेकर्ड जोसुकैका लागि सम्भव नहुने बताएका छन् ।
मंगलबार बिहान भएको युरोकप छनोट २०२० को खेलमा युक्रेनविरुद्ध पेनाल्टीमार्फत एक गोल गर्दै आफ्नो देश क्यारियरमा ७ सय गोल पुरा गरेका उनले आफू रेकर्डको पछि नलाग्ने बताएका छन् ।
'यस्तो रेकर्ड जोसुकैका लागि सम्भव हुँदैन तर म रेकर्डको पछि लाग्दिन ।', रेकर्ड राखेपछि उनले पत्रकारहरुसँग कुरा गर्दै भने, 'बरु रेकर्ड नै मेरो पछि लाग्छ ।'
रोनाल्डोले आफ्नो सहकर्मीहरुलाई धन्यवाद दिए । रोनाल्डोले अहिलेसम्मकै पोर्चुगलका लागि ९५ गोल गर्दा क्लब रियल म्याड्रिडका लागि ४५०,म्यानचेस्टर युनाइटेडका लागि ११८,युभेन्टसका लागि ३२ र लेभलमा स्पोर्टिंग सिपिका लागि ५ गोल गरेका छन् ।
अन्तर्राष्ट्रिय फुटबलमा राष्ट्रिय टिमका लागि रोनाल्डो भन्दा अगाडी इरानका अली दाइ १०९ गोल गर्दै अगाडी रहेका छन् ।
