महिला च्याम्पियन्स लिग क्रिकेटको विजेता टिमले सात लाख नगदसहित ट्रफि हात पार्ने भएका छन् ।
क्वीन्स इभेन्ट म्यानेजमेन्ट प्रालिले सोमबार महिला च्याम्पियन्स लिग क्रिकेटको पुरस्कार राशि घोषणा गरेको हो ।
क्वीन्सले सार्वजनिक गरेअनुसार उपविजेताले तीन लाख नगद पाउने छ ।प्रतियोगिताको सर्वोत्कृष्ट घोषित हुने खेलाडीले टीभीएस स्कुटरसहित ५० हजार नगद हात पार्ने छन् । त्यस्तै, उत्कृष्ट ब्याट्सम्यान र बलरले जनही २५ हजार प्राप्त गर्ने छन् ।
त्यस्तै, प्रत्येक खेलको ओमन अफ दि म्याच घोषित हुने खेलाडीले नगद पाँच हजार पाउने छन् ।
प्रतियोगितामा पाँच वटा फ्रेन्चाइज टिम रहेका छन् । काठमाडौंको मार्की खेलाडीमा रुविना क्षेत्री, ललितपुरमा नेरी थापा, पोखरामा सीता रानामगर, चितवनान इन्दु बर्मा र विराटनगरमा सरिता मगर मार्की खेलाडीको रुपमा रहेकी छिन् ।
असोज २९ देखि कात्तिक सात गतेसम्म टियु क्रिकेट मैदानमा हुने महिला च्याम्पियन्स लिग क्रिकेटको खेल तालिका भने यसअघि नै सार्वजनिक भइसकेको छ ।
यस्तो छ खेल तालिका
उद्घाटन खेलमा क्याट क्वीन्स काठमाडौंले चितवन राइनोजसँग प्रतिस्पर्धा गर्नेछ ।
असोज ३० गते पहिलो खेलमा काठमाडौंले पोखरा पल्टनसँग प्रतिस्पर्धा गर्दा अर्को खेलमा ललितपुर फाल्कोन्सले विराटनगर टाइटन्ससँग प्रतिस्पर्धा गर्नेछ ।
लिग चरणको विजेता सिधै फाइनलमा प्रवेश गर्नेछ । लिगको दोस्रो स्थानमा हुने र तेस्रो स्थानमा हुने टिमले फाइनल प्रवेशका लागि इलिमिनेटर खेल खेल्नेछ ।
