नेपाली राष्ट्रिय क्रिकेट टिमका लेग स्पिनर सन्दीप लामिछाने ‘द हन्ड्रेड’ क्रिकेट प्रतियोगिताको ड्राफ्टमा परेका छन् ।
इंग्ल्याण्ड र वेल्समा हुने प्रतियोगिता द हन्ड्रेडले सार्वजनिक गरेको ड्राफ्टमा सन्दीप अटाएका हुन् । सन्दीप विदेशी कोटामा ड्राफ्टमा परेका हुन् ।
एक सय बलको हुने द हन्ड्रेडको ड्राफ्टमा सन्दीपको न्यूनतम मूल्य १ लाख पाउण्ड रहेको छ ।
इंग्ल्याण्ड र वेल्स क्रिकेट बोर्डले आयोजना गर्ने प्रतियोगितामा ८ टिम रहने छन् । आठ टोलीले डबल राउण्ड रोबिनको आधारमा प्रतिस्पर्धा गर्ने छन् ।
हरेक टिमले ३ जना विदेशी खेलाडी राख्न पाउने छन् ।
सन्दीप रहेको क्याटोगरीमा ग्लेन म्याक्श्वेल, आन्द्रे रसेल, राशिद खान, सकिब अल हसन, तमिम इक्बल, साहिद अफ्रिदी, ड्वाइन ब्राभो, हरवजन सिंह र केइरन पोलार्ड रहेका छन् ।
