महोत्तरीको गौशालामा सुस्त मनस्थितिकी एक युवतीको शव फेला परेको छ ।मृतक गौशाला नगरपालिका–१० निवासी २२ वर्षीया शर्मिला दनुवार हुन् ।

दनुवारको शव गौशाला नगरपालिका–१० थापा टोलस्थित मरहा नदी किनारमा बिहीबार बिहान फेला परेको प्रहरीले जनाएको छ ।

महोत्तरी प्रहरी प्रमुख एसपी श्यामकृष्ण अधिकारीले महिलाको टाउकोमा चोटहरु लागेकाले कसैले हत्या गरेको देखिएको बताए ।बलात्कार भए नभएको बारे भने मेडिकल रिपोर्ट नआएसम्म तत्काल केही भन्न सक्ने अवस्था नभएको उनले बताए ।