नेपाली मुलकी अस्मिता आले मगर इंग्ल्याण्डको यू–१९ राष्ट्रिय फुटबलमा टिममा परेकी छिन् ।

एस्टन भिल्लाबाट खेलिरहेकी अस्मिता युइएफए वुमन्स यु–१९ च्याम्पियनसिप छनोटका लागि इंग्ल्याण्डले घोषणा गरेको टिममा परेकी हुन् । टिममा परेसँगै उनले साइप्रस, बेलारुस र सर्वियासँगको खेलमा खेल्ने भएकी छिन ।

तर, बुधबार राति साइप्रसविरुद्ध भने अस्मिता बेन्चमा रहेकी थिइन् । उक्त खेलमा इंग्ल्याण्डले ८-० को जित निकालेको थियो ।

पूर्व गोरखा सैनिकको छोरी १७ वर्षीय अस्मिताले इंग्ल्याण्डको यू–१६ टोलीबाट समेत खेलिसकेकी छिन् ।अस्मिताका बुबा अमृत आले क्विन्स गोरखा सिंगलका सैनिक हुन् ।