युएईएफए च्याम्पियन्स लिग फुटबल अन्तर्गत समूह चरणको दोस्रो खेलमा प्रिमियर लिग क्लब चेल्सीले फ्रेन्च क्लब लिलीमाथि जित हात पारेको छ ।

गएराती सम्पन्न समूह एच अन्तरगत भएको अवे खेलमा चेल्सीले लिलीमाथि २–१ को जित हात गरेको हो । चेल्सीको जितमा ब्राजिलियन खेलाडी विलियन र टामी अब्रहीमले एक एक गोल गरेका थिए ।त्यस्तै लिलिका लागि भिक्टर ओसिमहेनले एक गोल फर्काए ।

खेलको २२ औं मिनेटमा नै चेल्सीले अब्रहीमको गोलबाट शुरुवाती अग्रता लिएको थियो तर ३३औं ओसिमहेनले गोल गर्दै खेल बराबरीमा ल्याए। पहिलो हाफ एक एक गोल गरेको चेल्सीका लागि खेलको ७७ औं मिनेटमादविलियनले निर्णायक गोल गर्दै चेल्सीलाई जित दिलाएका थिए ।

योसँगै १ खेल बराबरी र एक हात पारेको चेल्सीको २ खेलमा ३ अंक भएको छ । त्यस्तै लिली दुबै खेलमा पराजित हुँदा अंक बिहिन रहेको छ ।