च्याम्पियन्स लिग अन्तर्गतको दोस्रो खेलमा म्यानचेस्टर सिटीले जित हात पारेको छ ।गएराती भएको खेलमा समुह सी अन्तर्गत भएको खेलमा सिटीले शख्तर डोनेटस्कलाई २–० गोल अन्तरले पराजित गरेको हो ।

घरेलु मैदानमा इदिहाद स्टेडियममा भएको खेलमा सिटीको लागि रहिम स्टर्लिङ र फिल फोडिनले समान एक एक गोल गरेका थिए ।पहिलो हाफ बराबरी खेलको सिटीले दोस्रो हाफको ६६ औं मिनेटमा अग्रता बनाएको थियो । उसले स्टर्लिङले गोलको खाता खोलेका हुन् ।

त्यस्तै फिल फोडिन ईन्जुरी समयमा गोल गर्दै सिटीलाई २–० गोल अन्तरले जिताए ।

जितसँगै २ खेलबाट ६ अंक बनाएको सिटी तालिकाको शीर्ष स्थानमा रहेको छ । डायनामो ३ अंक सहित दोस्रो स्थानमा रहेको छ ।