च्याम्पियन्स लिग अन्तर्गत समूह चरणको दोस्रो खेलमा इटालियन क्लब युभेन्टसले बायर लिभरकुसनलाई पराजित गरेको छ ।
गएराती सम्पन्न समूह डीको खेलमा युभेन्टसले लिभरकुशनलाई ३–० गोल अन्तरले पराजित गरेको हो ।
घरेलु मैदानमा भएको खेलमा युभेन्टसलाई जित दिलाउन गोन्जालो हुगैन, फेडरिको बेर्नारडेसची र क्रिस्टियानो रोनाल्डोले एक एक गोल गरेका थिए ।
एकतर्फी बनेको खेलमा १७ औं मिनेटमा नै युभेन्टसले हुगैनको गोल मार्फत अग्रता लिएको थियो । हुगैनकै गोलबाट पहिलो हाफ १–० को अग्रता लिएको युभेन्टसले दोस्रो हाफमा थप दुई गोल गर्यो ।
खेलको ६१ औं मिनेटमा बेर्नारडेसचीले गोल गर्दै अग्रता २–० बनाए। भने ८९ औं मिनेटमा रोनाल्डोले गोल गर्दै युभेन्टसलाई ३–० को जित दिलाए ।
यस जितसँगै युभेन्टसले २ खेलमा ४ अंक हासिल गर्दै शिर्ष स्थानमा यथावत रहेको छ ।
.JPG)
