च्याम्पियन्स लिगअन्तर्गत पहिलो खेलमा बुधबार बार्सिलोना र इन्टर मिलानबीच प्रतिस्पर्धा हुँदैछ ।
नेपाली समयअनुसार राति १२ः४५ बजेबाट सुरु हुने खेलमा कप्तान लिओनल मेसी मैदान फर्किने भएका छन् ।
स्पेनिस मिडिया एएसका अनुसार ला लिगाअन्तर्गत भिल्लारियलविरुद्धको खेलमा घाइते भएका मेसी इन्टरसँगको खेलबाट मैदान फिर्किने भएका हुन् ।मेसीका साथै जोर्डी अल्बा पनि मैदान फिर्न सक्ने एएसले जनाएको छ ।
बार्सिलोनाले भिल्लारियालाई २–१ गोल अन्तरले पराजित गर्दा मेसी घाइते हुन पुगेका थिए ।
प्रशिक्षक अर्नेस्टो भाल्भेर्डेले मेसी चोट सामान्य रहेपनि तीन खेल गुमाउन सक्ने बताएका थिए । तर, मेसीको सुधार हुनेक्रममा रहेकाले उनी इन्टरविरुद्ध मैदान उत्रिन सक्ने ‘एएस’को दाबी छ ।
.JPG)
