काठमाडौं महानगरपालिका–१२ टेकुबाट अवैध लागूऔषधसहित ३ जना पक्राउ परेका छन् ।
पक्राउ पर्नेहरुमा काभ्रेपलान्चोक नमोबुद्ध नगरपालिका–१ ठेगाना भएका १९ वर्षीय रामबहादुर मिजार, रामेछाप काँडादेवी गाउँपालिका–७ ठेगाना भएका १९ वर्षीय प्रज्वलराज श्रेष्ठ र नुवाकोट म्यागम गाउँपालिका–६ ठेगाना भएका ३१ वर्षीय आस्मा लामा रहेका छन् ।
उनिहरुको साथबाट १ केजी ३ सय ग्राम चरेश पनि बरामद गरिएको छ ।
लागूऔषध नियन्त्रण ब्यूरो कोटेश्वरबाट खटिएको प्रहरीले उनीहरुलाई बिहीबार साँझ पक्राउ गरेको हो । यस बारेमा थप अनुसन्धान भइरहेको छ ।
.JPG)
