फ्राइडे रिलिज अन्तर्गत शुक्रबारदेखि चलचित्र 'रातो टिका निधारमा' प्रदर्शनमा आएको छ । चलचित्र ‘रातो टिका निधारमा’मा अभिनेत्री नीता ढुंगाना, रवीन्द्र झा, बुद्धि तामाङ, जयनन्द लामा, राजाराम पौडेल, शिवहरी पौडेल, लक्ष्मी गिरी, बसुन्धारा भुषाललगायतका कलाकारहरुको अभिनय रहेको छ ।

निर्देशक अशोक शर्माले निर्माण तथा निर्देशन गरेको चलचित्रबाट अशोक शर्माका छोरा अंकित शर्माले अभिनेताका रुपमा डेब्यू गर्दै छन् ।यसकारण उनीमाथि यसपटक फिल्म सफल बनाएरै छाड्नु पर्ने चुनौती र छोरालाई अभिनेताको रुपमा स्थापित गर्नुपर्ने जिम्मेवारी छ ।

अंकितको जोडीको रुपमा अभिनेत्री साम्राज्ञी राज्यलक्ष्मी शाहलाई प्रस्तुत गरिएको छ । अंकित यसअघिको चलचित्र जय भोलेमा निर्माताका रुपमा थिए ।

रातो टिका निधारमा गीतमा शम्भुजित बाँस्कोटाको संगीत छ । यो सुपरहिट गीतको भिडियोमा महानायक राजेश हमाल र अभिनेत्री करिश्मा मानन्धरले कम्मर मर्काएका छन् । रिमेक भर्सनमा साम्राज्ञी र अंकितले ठुम्का लगाएका छन् । गीतको कोरियोग्राफी बसन्त श्रेष्ठले गरेका छन् ।

सहदेव ढुंगानाको शब्दमा उमेश पाण्डे र रमना श्रेष्ठको स्वर छ भने नयाँमा प्रमोद खरेल र मेलिना राई स्वर दिएका छन् ।