महोत्तरी प्रहरीले बिहीबार राती महोत्तरीको मनरा सिस्वा नगरपालिका–२ ईटहरवाबाट लागुऔषधसहित दुई जनालाई पक्राउ गरेको छ ।

ज १२ प ८२०९ नम्बरको मोटरसाइकलमा भारतबाट बर्दिवासतर्फ जाँदै गरेका बर्दिवास नगरपालिका वडा नम्बर–१२ बिजलपुरा टोल घर भएका वर्ष २८ का सुरेन्द्र कुमार महतो र सोही वडा घर भएका वर्ष २८ कै दीलिप महतो पक्राउ परेका हुन् ।

मनरा सिस्वा नगरपालिका–२ ईटहरवा पुगेपछि प्रहरीको गस्ती टोलीको चेक जाँच गर्ने क्रममा उनीहरुको झोलाबाट लागु औषध एक्सप्लोन १ सय एम एल को ५० सि सि, एसपास्मो क्याप्सुल ८ थान नाइट्रोजन टयाबलेट १० थान नाईट्रो भेट टयाबलेट १५ थान बरामद गरेको छ ।

घटनाको बिषयमा थप अनुसन्धान भइरहेकोे बताइएको छ ।