आईटीएफ सिनियर टेनिस प्रतियोगितामा ५५ वर्ष उमेर समूहको एकल प्रतिस्पर्धामा कमल थापा विजयी भएका छन् ।

पोखरामा भएको खेलमा राप्रपाका अध्यक्ष थापाले भारतीय खेलाडी सञ्जयकुमारलाई ६–३ र ६–२ को सोझो सेटमा पराजित गरेका हुन् ।

सोही प्रतियोगिताको ५५ वर्षमाथिको पुरुष डबल्स प्रतिस्पर्धामा पनि कमल थापाको जोडीले उपाधि जितेको छ । थापा र झम्पा धोन्दुपको जोडीले राजेन्द्रसिंह भण्डारी र करिममूलाको जोडीलाई सूपर ट्राइब्रेकरमा पराजित गरेका हुन् ।