बार्सिलोनाका महान खेलाडी जाभीले लिओनल मेसी आफ्नो लागि अहिलेसम्मकै उत्कृष्ट खेलाडी रहेको बताएका छन् । उनले मेसीपछि मात्रै क्रिस्टियानो रोनाल्डो रहेको बताए ।

मेसी  र रोनाल्डोलाई पछ्याउने सम्भावना भएका खेलाडीका बारेमा उनले भने, ‘नेयमार, एमबाप्पले, सालह र स्टर्लिङमा त्यो सम्भावना छ । अहिलेको अवस्थामा हेर्दा लाग्छ राहिम स्टर्लिङ त्यो दौडको अगाडि देखिन्छन् ।’

२४ वर्षे स्टर्लिङ लिभरपुल छाडेर केहि वर्षअघि सिटीमा आबद्ध भएका थिए । पेप ग्वार्डिओलाको नेतृत्वमा उनले सिटीमा स्तरिय प्रदर्शन गर्दै आएका छन् । स्टर्लिङले गत सिजन २५ गोल गरेका थिए । यो सिजन पनि उनले ६ गोल गरिसकेका छन् ।