असोज ३, २०७६

लामो समयमको संघर्षपछि देशमा राजतन्त्रको अन्त्य भई गणतान्त्रिक व्यवस्था लागू भयो। संघीय ढाँचामा अनुकूल हुनेगरी नेपालले २०७२ असोज ३ गते संघीय गणतान्त्रिक मुलुकको संविधान जारी भयो। अहिले देशमा तीन तहका सरकार सञ्‍चालनमा रहेका छन्।

गणतन्त्रको स्थपना गर्न वा संघीयताको लागि युवा र विद्यार्थीहरूको अग्रणी भूमिका रह्‍यो। तीनै युवा मोर्चा सम्हाल्नेमध्येको एक पात्र हुन् कांग्रेस नेता गगनकुमार थापा। अहिले संसदमा प्रुमख प्रतिपक्ष दलका सांसदको हिसाबले उनले दरिलो प्रस्तुति पनि गर्ने गरेको देखिन्छ। उनले कतिपय सरकारी कमजोरीको विषयमा तीखो आलोचना पनि गर्ने गरेका छन्।