काठमाडौं- एउटा सर्जक जब आफ्नो सिर्जनालाई राज्यले गर्भमै तुहाउन खोजेको गुनासो गर्दै राजनीतिज्ञका अगाडि रुन्छ, त्यो भन्दा दर्दनाक अवस्था अरु के हुन सक्छ र!

शुक्रबार दिउँसो काठमाडौं, कमलादीस्थित नेपाल प्रज्ञा प्रतिष्ठानमा जारी ‘राष्ट्रिय चलचित्र कन्फ्रेन्स’को पहिलो सेसन ‘राजनीतिको आँखामा चलचित्र’का क्रममा यस्तै दृश्य देखियो। 

बहसका लागि ड्यासमा सहभागी थिए, नेपाली कांग्रेसकी केन्द्रीय सदस्य एवं सांसद डा डिला संग्रौला, नेपाल कम्युनिस्ट पार्टी (नेकपा) का केन्द्रीय सदस्य ठाकुर गैरे र राष्ट्रिय जनता पार्टी (राजपा) का महासचिव एवं प्रवक्ता केशव झा।