कालिकोट जिल्लाको सन्नीघाट क्षेत्रमा च्याखुरा पालिएको देखेपछि संरक्षणकर्मी सोम जिसी छक्क परे। कारण थियो, प्राय: उच्च पहाडी तथा हिमाली भेगतिर मात्र देखिने यो प्रजाति यो ठाउँमा देखिनु उनको लागि नौलो थियो l समुन्द्र सतहबाट आठ सय पचास मिटरको उचाइमा रहेको स्थानमा यो चरा पाइनु जिसीका लागि अचम्मको कुरो थियो। खोज्दैजाँदा त्यहाँका स्थानीयले ठूलो संख्यामा च्याखुरा पालेको देखियो। स्थानीयहरु भन्छन्, 'यो च्याखुरा त जति पनि छन् हाम्रो गाउँमाl सबै भन्दा बढी पाउने भनेकै यै चरा हो'।' सो क्षेत्रमा यसलाई चकोर पनि भनिन्छl
सोम जिसीको समूहले सो च्याखुरको आवाज अभिलेख गर्यो। प्राकृतिक वासस्थानमा फोटो पनि खिच्न सफल भयोl संरक्षणकर्मी तथा अनुसन्धानकर्मी डा. हेमसागर बराल, क्यारोल इन्स्किप र हठन चौधरीले यो चरा सोचेभन्दा होचो ठाउँमा भेटिएको बताए। अहिलेसम्म भेटिएका मध्ये सबैभन्दा होचो ठाउँमा भेटिएका थिए ती च्याखुराहरु।
