मूल्य अभिवृद्धि कर (भ्याट) वस्तु र सेवामा आधारित कर हो। वस्तु र सेवामा लगाउन सकिन्छ। उत्पादन हुने वस्तुको कारोबार र आयातमा लाग्ने कर हो।
सन् १९९० तिर नेपालमा यसबारे छलफल भएको थियो। वस्तु र सेवा तथा अन्य करहरुलाई एकै ठाउँमा ल्याएर फराकिलो कर लगाउने सोच आएपछि २१ वर्ष अघि भ्याटको कुरा नेपालमा आएको हो। यो नेपालमा मात्रै नभएर विश्वभर लागू भएको कर हो। १९७० देखि संसारभरि चलेको लहर हो।
१९५४ मा फ्रान्समा लागू गरिएको थियो। १९६० को दशकमा युरोपियन युनियनको अवधारणा आएपछि अर्थतन्त्रमा पनि सबै किसिमका समान आधारहरु खोज्न थालियो। करमा पनि समान हुनका लागि भ्याटबाट एकै किसिमको कर लागू गरियो। युनियनको सदस्य हुनका लागि भ्याट लागू अनिवार्य गरेको हुनुपर्ने कडा सर्त राखियो। त्यसपछि युरोपभर भ्याट एकै पटक लागू भएको हो। युरोपमा साझा करको रुपमा मूल्य अभिवृद्धि करका रुपमा लिइयो, त्यो कर युरोपभर सफल भयो।
