निकोसिया । साइप्रसमा हत्या गरिएका ५ महिला र २ बालिकासहित ७ जनाको सिरियल किलरबाट गरिएको हत्यामा एक जना नेपाली पनि परेको स्थानीय सञ्चार माध्यमहरुले जनाएका छन् । कतिपय सञ्चार माध्यममा भारतीय वा नेपाली युवती हुन सक्ने जनाएपनि केही सञ्चार माध्यमले भने नेपाली कन्सुलेटमा उनका साथीहरुले जानकारी गराएको भनिएकोले उनी नेपाली नै हुने सम्भावना बलियो देखिएको छ ।
साइप्रसको राजधानी निकोसिया आसपासको विभिन्न ठाउँ र एउटा विषालु ताल रेड लेकमा आफूले मारेका महिलाहरुलाई फालेको पक्राउ परेको सिरियल किलरले स्वीकार गरेको छ ।
