काठमाडौं । राजधानी काठमाडौंलाई अपराधमुक्त बनाउने भन्दै प्रहरीले काठमाडौंका सबै घरधनी र डेरावालाको विवरण संकलन गर्ने अभियान सुरु गरेको छ । काठमाडौंमा रहेका सबै वृत्त र प्रभागहरुको नेतृत्वमा काठमाडौं प्रहरीले विवरण संकलन अभियान सुरु गरिएको परिसर काठमाडौंका एसएसपी वसन्त लामाले जानकारी दिए ।
लामाका अनुसार सुमदाय–प्रहरी साझेदारी कार्यक्रम अन्तर्गत हालसम्म २६ हजार बढी घरधनी र भाडावालको विवरण संकलन गरिएको छ । काठमाडौंमा ५ देखि ६ लाख घरधुरी भएको प्रहरी अनुमान छ । यो अभियान तत्कालीन काठमाडौं प्रहरीका एसएसपी विश्वराज पोखरेलले पनि सुरु गरेका थिए ।
