काठमाडौं । ब्रुमरले सडक सफा गरे पनि काठमाडौंका अधिकांश सडकमा धुलोको समस्या हट्न सकेको छैन । काठमाडौं महानगरपालिकाले सडकमा रहेको धुलो सफा गर्नका लागि पाँचवटा ब्रुमर सञ्चालन गरिरहेको छ ।
ब्रुमर सञ्चालन भए पनि सडकमा धुलोको मात्रा कम भएको छैन । महानगरपालिकाका मेयर विद्यासुन्दर शाक्यले ०७५ चैत १२ गते इटालीबाट ल्याएका ५ वटा ब्रुमरको औपचारिक उद्घाटन गरेका थिए । ती ब्रुमरहरु अहिले काठमाडौंका विभिन्न पाँचवटा रुटमा राति ८ देखि बिहान ३ बजेसम्म सञ्चालन भइरहेको महानगरपालिका वातावरण विभाग प्रमुख हरि श्रेष्ठले बताए ।
