काठमाडौं– प्रमुख प्रतिपक्षी नेपाली कांग्रेसले सरकारले प्रि–बजेट छलफल नगराई नीति तथा कार्यक्रम ल्याउन खोजेको भन्दै आपत्ति जनाएको छ। सिंहदरबारमा बसेको कांग्रेस संसदीय दलको बैठकले प्रि–बजेट विगतमा अभ्यास भएको र अहिले पनि गर्नुपर्ने भन्दै यसो नगरिए संसदको नै अवमूल्यन हुने निष्कर्ष निकालेको छ।
बैठकपछि कांग्रेसका प्रमुख सचेतक बालकृष्ण खाँडले भने, ‘प्रि–बजेट छलफलमा सांसदहरुले आफ्नो धारणा राख्छन्। त्यही अनुसार नीति तथा कार्यक्रम आउँछ। यो नीति तथा कार्यक्रम नै बजेटका रुपमा प्रस्तुत गरिन्छ। तर अहिले के देखियो भने प्रि बजेट छलफल नगराएर संसदलाई नै बाइपास गर्न खोजियो।’
