स्थानीय दक्ष तथा अनुभवी शिल्पकारहरूसँग परियोजनास्थलमै गई उनीहरूका परम्परागत काम गर्ने शैली, सीप सिक्ने दुर्लभ अवसर जुटेको नयाँ पुस्ता बताउँछन्।
विगत दुई महिनादेखि भैरवनाथ मन्दिरको जीर्णोद्धार कार्यमा संलग्न ६२ वर्षीय कृष्णप्रसाद छुकांलाई झिँगटीको समयमै जोहो नहोला र समयमै जीर्णोद्धार कार्य नसकिएला भन्ने चिन्ता छ।
"अहिले हामीसँग भएका आधाभन्दा बढी झिँगटी काम नलाग्ने भइसकेका छन्। त्यसैले मैले चिने जानेकालाई झिँगटी भए ल्याइदिन अनुरोध गरेको छु," उनले भने।
