लुम्बिनी — प्रदेश ५ सरकारले मुलुककै उत्कृष्ट पर्यटकीय गन्तव्य बनाउन लुम्बिनी भ्रमण वर्ष, २०७६ को कार्यक्रम अघि सारे पनि तयारी फितलो देखिएको छ । भ्रमण वर्षका कार्यक्रम सुरु हुन नपाउँदै संशोधनको तयारी भइरहेको छ ।
नयाँ वर्ष लक्षित कार्यक्रम आइतबारै सुरु हुनुपर्ने हो। प्रदेश सरकारले विशेष महत्त्व दिएर मनाउन लागेको लुम्बिनी भ्रमण वर्ष एक महिना ढिलो सुरु हुने भएको छ। औपचारिक उद्घाटन जेठ ४ गते लुम्बिनीमा हुनेछ। वैशाख पूर्णिमा १ महिनापछि परेकाले उद्घाटन धकेलिएको सरोकारवालाको जिकिर छ।
