काठमाडौँ – साना गल्लीहरुमा थरिथरि रंगका बत्तीको झिलमिल, गाडीहरुको आवतजावत र स्वदेशी तथा विदेशीको त्यत्तिकै चहलपल हुने ठाँउ हो, ठमेल।
रातिको ८ बजेको थियो। मानिसहरुको चहलपहल कम होइन बढ्दो क्रममा थियो । अधिकांश युवाहरु देखिन्थे । तिनैमध्येकी एक थिइन्, पिन्चीला श्रेष्ठ। उनी आफ्ना साथीहरुसँग घुम्न आएकी थिइन् ठमेल। नयाँ वर्षको तयारी कस्तो छ भन्ने प्रश्नमा उनले प्रतिप्रश्न गरिन्, ‘कुन नयाँ वर्ष?’
विसं २०७६ भन्दा ‘हामी वैशाख १ गते परिवारसँग बाहिर खाना खाएर मनाउँछौँ’, उनले भनिन्, ‘तर नयाँ वर्षको अघिल्लो रात साथीहरुसँग बाहिर पार्टी गर्छौँ।’
