सोमबारबाट एमाले नेता कार्यकर्ताहरूले आफूलाई झोले स्वीकार गर्दै ‘म झोले हो’ अभियान जोडदार रुपमा चलाइरहेका छन्।
शीर्ष नेतादेखि कार्यकर्ताहरूले सामाजिक सञ्जालमा ‘म झोले हो’ भनिरहँदा सांसद गोकुल बास्कोटाले भने अभियान बहिष्कार गरेका छन्।
उनले सामाजिक सञ्जालमार्फत झोले अभियानप्रति असन्तुष्टि पोख्दै आफूलाई एमालेको कार्यकर्ता भएको र एमाले आफ्नो विश्वास भएको र समाज बदल्ने क्रान्तिकारी सिद्धान्त भएको पार्टी दाबी गरेका छन्।
उनले भनेका छन्, ‘ज्यामितिमा स्वयमसिद्द तथ्य हुन्छन्, त्यसलाई प्रमाणित गर्न पर्दैन, जस्तो कि दुई विन्दुलाई सरल रेखाबाट मात्र जोडन सकिन्छ, त्रिभुजका आन्तरिक कोणको योगफल १८० डिग्री हुन्छ। राजनितिमा पनि त्यही हो अर्थात म एमाले कार्यकर्ता हुँ। त्यहाँ मेरो विश्वासको मात्र हैन, समाज नै बदल्ने क्रान्तिकारी सिद्दान्त छ।’
.JPG)