सानोठिमी क्याम्पसका नवनिर्वाचित स्ववियु अध्यक्ष नरेन्द्रसिंह ठगुन्नामाथि सांघातिक आक्रमण भएको छ।
उनी माओवादी केन्द्रनिकट विद्यार्थी संगठन अखिल (क्रान्तिकारी)का नेता हुन्।
शनिबार राति उनीमाथि अपरिचित समुहले सांघातिक आक्रमण गरेको माओवादीका नेताहरूले बताएका छन्।
ठगुन्नाको अनुहार र शरीरका केही भागमा चोट लागेको छ। माओवादी केन्द्रका केन्द्रीय सदस्य रमेश मल्लले ठगुन्नामाथि आक्रमण गर्नेहरूलाई कडा कारबाहीको माग गरेका छन्।
उनले सामाजिक सञ्जालमार्फत भनेका छन्, ‘सानोठिमी क्याम्पसका नवनिर्वाचित स्ववियू अध्यक्ष नरेन्द्र सिह ठगुन्नामाथि गत राती भएको सांघातिक आक्रमण निन्दनीय छ। आक्रमणकारीलाई सख्त कारबाहीको माग गर्दछु।’
