आज देशका विभिन्न ठाउँमा वर्षाको सम्भावना रहेको छ। पश्चिमी वायुका साथै पश्चिमी न्यून चापिय प्रणालिको प्रभावले विभिन्न ठाउँमा वर्षाको सम्भाना देखिएको हो।
हाल बिहान सुदूरपश्चिम र कर्णाली प्रदेशको थोरै स्थानहरुमा हल्का वर्षा र हिमपात भइरहेको छ। देशका पहाडी क्षेत्रमा सामान्य बदली रही बाँकी भागमा मौसम सफा रहेको छ।
तराई तथा उपत्यका केही स्थानहरूमा हुस्सु र कुहिरो लागेको छ जल तथा मौसम विज्ञान विभाग, मौसम पूर्वानुमान महाशाखाले जनाएको छ।
आज दिउँसो हिमाली क्षेत्रमा साधारणतया बदली रही धेरै स्थानमा मध्यम हिमपातको सम्भावना रहेको छ।
पहाडी क्षेत्रमा भने सामान्य बदली रही केही स्थानहरुमा वर्षाको सम्भावना रहेको छ भने तराई क्षेत्रमा साधारणतया बदली रही केही स्थानहरुमा मध्यम वर्षाको सम्भावना रहेको छ।
राति पनि हिमाली क्षेत्रका थोरै स्थानमा हिमपातको सम्भावना रहेको छ भने पहाडी र तराई क्षेत्रका केही स्थानहरुमा हल्का वर्षाको सम्भावना रहेको छ।
