नेपाल प्रिमियर लिग (एनपिएल) खेल भइरहेकाे समयमा त्रिवि क्रिकेट मैदानमा अपमानजनक शब्द प्रयाेग गर्ने २ युवक पक्राउ परेका छन्।
पक्राउ पर्नेमा डाेटी आदर्श गाउँपालिका २ का २१ वर्षीय अशाेक साउद र सिलगढी नगरपालिका १ का १९ वर्षीय गणेश साउद रहेका छन्।
उनीहरू कीर्तिपुरमा बस्दै आएका छन्। प्रहरीले दुवै जनालाई आइतबार पक्राउ गरेकाे हाे।
शनिबार एनपिएलअन्तर्गत जनकपुर बाेल्ट्स र सुदूरपश्चिम राेयल्सबीचकाे फाइनल खेलमा उनीहरूले खेल हेर्न आएका केही दर्शकमाथि अपशब्द प्रयाेग गरेका थिए।
अपशब्द प्रयाेग गर्दै साम्प्रदायिक सद्भाव विगार्न खाेजेकाे भन्दै उनीहरूविरुद्ध जिल्ला प्रहरी परिसर काठमाडाैँमा उजुरी परेकाे थियाे।
साेही उजुरीकाे आधारमा दुवै जनालाई पक्राउ गरिएकाे प्रहरी परिसरका प्रवक्ता प्रहरी उपरीक्षक नवराज अधिकारीले जानकारी दिए।
