सुनसरीकाे धरान उपमहानगरपालिकाबाट १९० किलाे गाँजा बरामद भएकाे छ।
धरान उप–महानगरपालिका–१३ शिवधारा स्थित कोशी लोकमार्गबाट उक्त परिणामकाे गाँजा बरामद भएकाे हाे।
भेडेटारबाट धरानतर्फ आउँदै गरेको बा १० च ६८५२ नम्बरको सुजुकी कारको डिक्कीमा प्लाष्टिकले प्याकिङ्ग गरी ल्याउँदै गरेको अवस्थामा सशस्त्र प्रहरी बल, नेपाल सुरक्षा वेश धरानले साेमबार गाँजा बरामद गरेको हो।
गाँजा बाेकेर हिडेका कार चालक भने प्रहरीलाई देखेपछि फरार भएकाे सशस्त्र प्रहरीका सह प्रवक्ता शैलेन्द्र थापाले जानकारी दिए।
सोही कारलाई पछ्याउँदै आएको को ३५ प २०४५ नम्बरको मोटरसाईलकमा सवार २ जनालाई भने गाँजा तस्करीमा संलग्न रहेको शंकास्पद प्रहरीले नियन्त्रणमा लिएकाे छ।
पक्राउ परेकाहरूकाे परिचय खुलाइएकाे छैन। उनीहरूमाथि अहिले अनुसन्धान भइरहेकाे छ।
