जाजरकोटको नलगाड नगरपालिकाको उपप्रमुखमा नेकपा माओवादी केन्द्रकी उम्मेदवार देवका लामिछाने निर्वाचित भएकी छन्।
लामिछानेले ४ हजार २७२ मत प्राप्त गर्दै उपप्रमुखमा निर्वाचित भएकी हुन्। उनकी निकटतम प्रतिद्वन्द्वी नेपाली कांग्रेसकी इन्द्रा चन्द सिंहले ३ हजार १४७ मत प्राप्त गरिन्।
एमालेकी उम्मेदवार सुनिता बोहराले २ हजार ५४२ र राष्ट्रिय स्वतन्त्र पार्टीकी पार्वती पुनले १७९ मत पाइन्।
नलगाडमा २०७९ को निर्वाचनमा कांग्रेसका सरिता सिंह उपप्रमुखमा निर्वाचित भएकी थिइन्। सिंहको गत वर्ष भूकम्प (कात्तिक १७) मा परेर मृत्यु भएकाे थियाे।
त्यसपछि यहाँ उपनिर्वाचन भएको हो।
.jpg)
