आज कोशी, बागमती र गण्डकी प्रदेशका पहाडी भू-भागका एक-दुई स्थानमा हल्का वर्षाको सम्भाना रहेको छ। 

साथै कोशी प्रदेश र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना पनि रहेको मौसम पूर्वानुमान महाशाखाले जनाएको छ। 

अन्य प्रदेश र स्थानमा भने सामान्यतया मौसम सफा रहने महाशाखाले जानकारी गरेको बुलेटिनमा जनाइएको छ। 

देशमा पानी नै पारिहाल्ने मौसमी प्रणाली नभएकाले केही समय ठुलो पानी पर्ने सम्भावना छैन। पश्चिमी वायुको सामान्य प्रभाव रहेकोले केही ठाउँमा छिटफुटरूपमा मात्र पानी पर्ने सम्भावना रहेको हो। 

हाल बिहान देशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहेको छ। तराई भू-भागका केही स्थानहरूमा तथा पहाडी भू-भागका थोरै स्थानहरुमा हुस्सुरकुहिरो लागेको छ।