बैतडीमा प्रहरी चढेकाे जिप दुर्घटना, ४ जनाको मृत्यु

बिएल संवाददाता

बैतडी

• • •

बैतडीमा मतपेटिका पुर्‍याएर फर्किंदै गरेको एउटा प्रहरी सवार जिप दुर्घटना हुँदा ४ जनाको मृत्यु भएको छ।

दशरथचन्द राजमार्गअन्तर्गत पाटन नगरपालिका–४ निङलाडी खोला भन्ने स्थानमा से १ ज ८५४ नम्बरको जिप दुर्घटनामा परेको हो।

नेपाल प्रहरीकाे एउटा टोली सवार जिप दुर्घटनामा हुँदा ४ जना प्रहरीको घटनास्थलमै मृत्यु भएको बैतडीका प्रमुख जिल्ला अधिकारी सुरेश पन्थीले जानकारी दिएका छन्। उनले भने, 'तीन जनाको मृत्युु भएको भन्ने खबर आको छ, उद्धार जारी रहेको आएको खबर छ, म आफैँ घटनास्थल जाँदैछु।'

जिप सडकबाट करिब तीन सय मिटर तल खसेको जनाएको छ। रातभरि मतपेटिका ढुवानी गरिरहेको र चालकलाई अनिदो भएर दुर्घटना भएको हुनसक्ने प्रजिअ पन्थीको भनाइ छ। घटनाको थप विवरण आउन बाँकी रहेको छ।

• • •